"Sürprizi göstərə bilmədik" - "Torpedo"nun baş məşqçisi

UEFA Konfrans Liqasının 1-ci təsnifat mərhələsi çərçivəsində keçirilən "Zirə" - "Torpedo" (Gürcüstan) matçından sonra qonaq komandanın baş məşqçisi Dirk Şuster mətbuat konfransına qatılıb.

Pressing.az xəbər verir ki, almaniyalı mütəxəssis oyunla bağlı bunları deyib:

"Sürpriz hazırlamışdıq. Dünən dediyim kimi, güclü rəqiblə qarşılaşırdıq. Sürprizi göstərə bilmədik. Çox individual rəqiblə oynadıq. Dediyim kimi, favorit komanda “Zirə”dir. Artıq evdə yaxşı nəticə qazanmağa çalışacağıq. İkinci qoldan sonra komanda oyundan qopdu. Çalışırdıq ki, heç olmasa, bir qol vuraq, amma alınmadı. “Zirə” çox gözəl futbol oynadı".