Xəbər lenti

Azərbaycan millisinin futbolçusu Mahir Emreli Almaniya 2-ci bundesliqasında növbəti oyununa çıxıb.

Pressing.az xəbər verir ki, onun çıxış etdiyi "Nürnberq" turnirin 28-ci turunda öz meydanında "Hamburq"u qəbul edib. Görüş qonaqların 3:0 hesablı qələbəsi ilə başa çatıb.

"Nürnberq" futbolçusu Yanis Antistenin matçın 14-cü dəqiqəsində qırmızı vərəqə aldığından sonra görüşə 10 nəfərlə davam edib.

Emreli də bu matçın iştirakçısı olub. O, oyuna ehtiyat heyətdə başlayıb və 58-ci dəqiqədə meydana daxil olub. 28 yaşlı futbolçu görüşün 78-ci dəqiqəsində isə sarı vərəqə ilə cəzalandırılıb.