Bu gün Almaniya 2-ci Bundesliqasında 11-ci turun oyunları davam etdiriləcək.

Pressing.az xəbər verir ki, Azərbaycan millisinin hücumçusu Mahir Emrelinin çıxış etdiyi “Nürnberq” səfər matçında “Hamburq”la qarşılaşacaq.

Oyun Bakı vaxtı ilə saat 16:30-da başlanacaq. Artıq "Nürnberq" heyətini açıqlayıb. M.Emreli əsas heyətdə yer alıb.

Qeyd edək ki, 10 oyundan 18 xalı olan “Hamburq” 5-ci, 16 xala malik “Nürnberq” isə 8-ci yeri tutur.

M.Emreli 2-ci Bundesliqada son iki oyunun hər birində 1 qol vurub. O, daha 1 dəfə isə Almaniya kubokunun matçında fərqlənib.