Vüsal İsgəndərli Türkiyədə növbəti oyununa çıxıb

Həmyerlimiz Vüsal İsgəndərlinin çıxış etdiyi "Boluspor" Türkiyə kubokunun qrup mərhələsində ilk oyununu keçirib.

Pressing.az xəbər verir ki, 29 yaşlı yarımmüdafiəçinin komandası səfərdə Arda Turanın çalışdırdığı "Eyüpspor"la qarşılaşıb. Görüş meydan sahiblərinin 1:0 hesablı qələbəsi ilə başa çatıb.

Vüsal həmin oyuna start heyətdə başlayıb və 90 dəqiqə meydanda olub.

"Eyüpspor"un qələbə qolunu isə matçın 70-ci dəqiqəsində Ahmed Kutucu vurub.