Azərbaycanlı futbolçu Vüsal İsgəndərlinin çıxış etdiyi "Boluspor" klubu Türkiyə 1-ci liqasında növbəti oyuna çıxıb.

Pressing.az xəbər verir ki, komanda 19-cu turda "Bandırmaspor"u qəbul edib. Oyun Bolu təmsilçisinin 2:1 hesablı qələbəsi ilə başa çatıb.

Vüsaı start heyətdə meydana daxil olub və 86-cı dəqiqədə əvəzlənib.

Bu nəticədən sonra "Boluspor" 26 xalla 9-cu, "Bandırmaspor" 30 xalla 7-ci pillədə qərarlaşıb. Turnur cədvəlinə 45 xalla Arda Turanın çalışdırdığı "Eyüpspor" başçılıq edir.