UEFA Avropa Liqasının Liqa mərhələsinin 6-cı turunda keçiriləcək “Elfsborq” (İsveç) – “Qarabağ” matçından öncə Ağdam təmsilçisinin baş məşqçisi Qurban Qurbanovun iştirakı ilə keçiriləcək mətbuat konfransı və komandanın açıq məşqinin vaxtı məlum olub.

Pressing.az xəbər verir ki, mətbuat konfransı bu gün, saat 21:40-da baş tutacaq.

Saat 22:00-da isə ilk 15 dəqiqəsi media nümayəndələri üçün açıq olacaq məşq başlayacaq.

Dekabrın 12-də keçiriləcək “Elfsborq” – “Qarabağ” oyunu saat 00:00-da başlayacaq.