Madrid "Real"ının 19 yaşlı oyunçusu Mark Kukalon karyerasını başa vurub.

Pressing.az xəbər verir ki, bu barədə "Relevo" nəşri məlumat yayıb. Buna səbəb futbolçunun zədələri olub. Onun çarpaz bağının qopmasından əməliyyat olunduğu zaman oynaq qığırdaqlarına bakteriya düşüb. Bu isə bəzi nadir fəsadlarla yekunlaşıb. Nəticədə Kukalon zədəsindən tam bərpa ola bilmir. O, həkimlərin tövsiyəsindən sonra karyerasını bitirməyə qərar verib.

Qeyd olunur ki, "Real" Mark Kukalonun müalicəsini tam ödəyəcək.