AFFA rəsmisi Rumıniya klubunun oyununa təyinat aldı

AFFA-nın Beynəlxalq Əlaqələr Şöbəsinin müdiri, AFFA İcraiyyə Komitəsinin üzvü Könül Mehdiyeva növbəti dəfə təyinat alıb.

Pressing.az xəbər verir ki, o, Rumıniyada yerli ÇFR və Kiprin “Pafos” komandaları arasında keçiriləcək Konfrans Liqasının pley-off mərhələsinin ilk oyununda UEFA nümayəndəsi olacaq.

Avqustun 22-də Kluj-Napoka şəhərində təşkil olunacaq görüş saat 21:30-da başlayacaq.