UEFA Konfrans Liqasının finalında keçiriləcək "Olimpiakos" - "Fiorentina" matçının baş hakimi Portuqaliya Futbol Federasiyasından Artur Soareş Diaş olacaq.

Pressing.az xəbər verir ki, bu barədə UEFA-nın saytı məlumat yayıb. Diaşa həmyerliləri Paulu Soareş və Pedru Ribeyru köməklik göstərəcək. Dördüncü hakim funksiyasını isə isveçli Qlenn Nyuberq yerinə yetirəcək.

Qeyd edək ki, "Olimpiakos" - "Fiorentina" görüşü mayın 29-da Afinada keçiriləcək.