“Əl-Nəsr” klubunun hücumçusu Kristiano Ronaldo “İnter Mayami”nin futbolçusu Lionel Messi ilə penalti istisna olmaqla qolların sayında bərabərləşib.

Pressing.az xəbər verir ki, hesablamanı bəhs edilən futbolçuların statistikasını aparan “MessivsRonaldo” səhifəsi açıqlayıb.

Statistikaya əsasən, Ronaldo və Messi indiyədək penalti istisna olmaqla 713 dəfə topu qapıya göndərə biliblər. Argentinalı hər 121, Ronaldo isə hər 138 dəqiqədən bir qeyri-penalti qolu vurub.

Ronaldo Asiya Çempionlar Liqasının 1/8 finalının “Əl-Fayha”ya qarşı ilk oyununda qol vurub.