"İnter Mayami" klubunun futbolçusu Lionel Messi MLS-də ilin ən yaxşı oyunçusu seçilib.

Pressing.az xəbər verir ki, 37 yaşlı argentinalı hücumçu 38,43 faiz səs toplayaraq mükafatın qalibi seçilib. 2-ci yerdə "Kolambus"un futbolçusu Kuço Hernandes 33,7 faiz səslə qərarlaşıb.

Mükafatın qalibi futbolçular, klubların texniki heyəti və media nümayəndələri tərəfindən seçilir.

Qeyd edək ki, Lionel Messi bu mövsüm "İnter Mayami"nin heyətində 22 oyuna çıxaraq 21 qol vurub və 11 qolun ötürməsini edib.