Musa Qurbanlının komandası yoxlama oyununda məğlub oldu
Dünya Futbolu
7-02-2024, 13:58
Azərbaycan yığmasının hücumçusu Musa Qurbanlının çıxış etdiyi "Yurqorden" (İsveç) yoxlama oyunu keçirib.
Pressing.az xəbər verir ki, Kanar adalarında təlim-məşq toplanışında olan komanda İsveçin digər yüksək liqa təmsilçisi "Myallbu" ilə qarşılaşıb. Oyun rəqibin 1:0 hesablı qələbəsi ilə başa çatıb.
Musa Qurbanlı fasilədən sonra meydana daxil olub və sona qədər oynayıb.
Qeyd edək ki, İsveçdə daxili çempionata ötən ilin noyabr ayında yekun vurulub. “Yurqorden” 4-cü yeri tutub. Yeni mövsümə isə martın 31-də start veriləcək.