"Qarabağ"ın UEFA Çempionlar Liqasının 3-cü təsnifat mərhələsindəki rəqibi "Şkendiya" Şimali Makedoniya çempionatında 2025/2026 mövsümünün ilk oyununa çıxıb.

Pressing.az xəbər verir ki, komanda açılış oyununda "Şkupi"ni qəbul edib və 5:1 hesabı ilə qalib gəlib. "Şkupi" matçın 17-ci dəqiqəsindən azlıqda qalıb. Fisnik Zuka qırmızı vərəqə alıb.

Xatırladaq ki, "Şkendiya" "Qarabağ"la öz meydanında keçirdiyi ilk oyunda 0:1 hesabı ilə uduzub. Tərəflər arasında avqustun 12-də Tofiq Bəhramov adına Respublika stadionunda keçiriləcək cavab qarşılaşması saat 20:00-da başlayacaq.