"Şkendiya"nın baş məşqçisi: "Qarabağ" çox keyfiyyətli rəqibdir"
UEFA Çempionlar Liqasının 3-cü təsnifat mərhələsinin ilk oyununda sabah "Qarabağ"la qarşılaşacaq "Şkendiya"nın (Şimali Makedoniya) baş məşqçisi Jeton Beqiri oyunla bağlı danışıb.
Pressing.az xəbər verir ki, o, matç üçün təşkil edilən mətbuat konfransında Ağdam klubunun ciddi rəqib olduğunu bildirib:
"Rəqibin adından asılı olmayaraq, əlimizdən gələni etməliyik, ən yaxşı oyunumuzu oynamalıyıq. “Qarabağ” çox keyfiyyətli, son 12 ildə 11 dəfə ölkəsinin çempionu olmuş klubdur. Rəqibin çox təcrübəli baş məşqçisi var. Bizim də öz hesablamalarımız, planlarımız mövcuddur. Rəqibimizə hörmət edirik, amma özümüzə də hörmət etməliyik. Bununla belə, yalnız ən ciddi yanaşma ilə ilk görüşdə sərfəli nəticə əldə edə bilərik. Düşünürəm ki, qalib Bakıdakı cavab oyunda müəyyənləşəcək".
Baş məşqçi ən xırda şanslarından da istifadə edəcəklərini bildirib: "Bizim üçün ən yüksək səviyyədə çıxış etmək çox vacibdir. FCSB ilə ilk matçdan sonra oyundan razı deyildim. Bilirdim ki, irəliləmək üçün daha yaxşı oynamalıyıq. İnanıram ki, şanslarımız çox olacaq. Çox diqqətli olmalı, şansımızdan istifadə etməliyik. Bir az şansımız olsa belə, bu matça hazırıq. Niyə onları məğlub etməyək? Demək istəyirəm ki, "Qarabağ" keyfiyyətli komandadır, amma hər dəfə qalib gələn favoritlər olmur".
J.Beqiri 2-ci mərhələdə mübarizədən kənarlaşdırdıqları FCSB (Rumıniya) ilə "Qarabağ"ı belə müqayisə edib: "Hər rəqibin öz çəkisi var, FCSB daha imkanlı klubdur, amma "Qarabağ"a da çox sərmayə qoyulur. Futbol elə idman növüdür ki, möhkəm dayana bilsək, maksimum mübarizə aparsaq, “Qarabağ”la bu duellərdən qalib kimi çıxa bilərik”.
Qeyd edək ki, sabah keçiriləcək "Şkendiya" - "Qarabağ" matçı Bakı vaxtı ilə saat 22:00-da başlayacaq.
Pressing.az xəbər verir ki, o, matç üçün təşkil edilən mətbuat konfransında Ağdam klubunun ciddi rəqib olduğunu bildirib:
"Rəqibin adından asılı olmayaraq, əlimizdən gələni etməliyik, ən yaxşı oyunumuzu oynamalıyıq. “Qarabağ” çox keyfiyyətli, son 12 ildə 11 dəfə ölkəsinin çempionu olmuş klubdur. Rəqibin çox təcrübəli baş məşqçisi var. Bizim də öz hesablamalarımız, planlarımız mövcuddur. Rəqibimizə hörmət edirik, amma özümüzə də hörmət etməliyik. Bununla belə, yalnız ən ciddi yanaşma ilə ilk görüşdə sərfəli nəticə əldə edə bilərik. Düşünürəm ki, qalib Bakıdakı cavab oyunda müəyyənləşəcək".
Baş məşqçi ən xırda şanslarından da istifadə edəcəklərini bildirib: "Bizim üçün ən yüksək səviyyədə çıxış etmək çox vacibdir. FCSB ilə ilk matçdan sonra oyundan razı deyildim. Bilirdim ki, irəliləmək üçün daha yaxşı oynamalıyıq. İnanıram ki, şanslarımız çox olacaq. Çox diqqətli olmalı, şansımızdan istifadə etməliyik. Bir az şansımız olsa belə, bu matça hazırıq. Niyə onları məğlub etməyək? Demək istəyirəm ki, "Qarabağ" keyfiyyətli komandadır, amma hər dəfə qalib gələn favoritlər olmur".
J.Beqiri 2-ci mərhələdə mübarizədən kənarlaşdırdıqları FCSB (Rumıniya) ilə "Qarabağ"ı belə müqayisə edib: "Hər rəqibin öz çəkisi var, FCSB daha imkanlı klubdur, amma "Qarabağ"a da çox sərmayə qoyulur. Futbol elə idman növüdür ki, möhkəm dayana bilsək, maksimum mübarizə aparsaq, “Qarabağ”la bu duellərdən qalib kimi çıxa bilərik”.
Qeyd edək ki, sabah keçiriləcək "Şkendiya" - "Qarabağ" matçı Bakı vaxtı ilə saat 22:00-da başlayacaq.
