“Çelsi” son mövsümdə komandada icarə əsasında çıxış edən Ceydon Sançonun transfer hüququnu almaqdan imtina edib.

Pressing.az xəbər verir ki, klublar öz aralarında razılığa gəlsə də, ingiltərəli futbolçunun şəxsi müqavilə şərtlərində ortaq məxrəcə gəlmək mümkün olmayıb. Futbolçu sosial şəbəkə hesabında London klubunun azarkeşləri ilə vidalaşıb.

Qeyd edək ki, Sanço 2024/25 mövsümündə “Çelsi”nin heyətində Premyer Liqada 31 oyuna çıxıb, 3 qol vurub və 4 məhsuldar ötürmə edib.