İtaliya A seriyasında 2024/25 mövsümünün çempionu məlum olub.

Pressing.az xəbər verir ki, qızıl medalların sahibi son turda bəlli olub.

38-ci turda lider “Napoli” öz meydanında “Kalyari” ilə qarşılaşıb. Rəqibini 2:0 hesabı ilə məğlub edən Neapol təmsilçisi çempionluğu təmin edib.

“İnter” eyni hesabla səfərdə “Komo”dan üstün olsa da, ikinci yerlə kifayətlənib.

Beləliklə, “Napoli” 82 xalla çempion, “İnter” 81 xalla ikinci olub. Bu, Neapol təmsilçisinin tarixində dördüncü çempionluqdur. Komanda buna qədər 1987/87, 1989/90 və 2022/23 mövsümlərində də İtaliyanın ən güclüsü olub.