Dünya çempionatında yarımfinalçılar müəyyənləşdi

Qətərdə keçirilən 17 yaşadək futbolçular arasında dünya çempionatında 1/4 final mərhələsinin oyunları keçirilib.

Pressing.az xəbər verir ki, baş tutan 4 qarşılaşmadan sonra mundialda yarımfinalçılar müəyyənləşib.

Avstriya Yaponiyanı, İtaliya isə Burkina Fasonu 1:0 hesabı ilə məğlub edib.

Portuqaliya İsveçrədən üstün olub - 2:0.

Sonuncu yarımfinalçı isə Mərakeşə 2:1 hesabı ilə qalib gələn Braziliya yığması olub.

Beləliklə, yarımfinalda Portuqaliya Braziliya ilə, İtaliya isə Avstriya ilə üz-üzə gələcək.

Hər iki görüş noyabrın 24-də keçiriləcək.