"Orxus" - "Sabah" oyununun başlama vaxtı dəyişdirildi - SƏBƏB

UEFA Çempionlar Liqasında III təsnifat mərhələsinin Danimarkada "Orhus" və "Sabah" arasında keçiriləcək ilk oyunu nəzərdə tutulan vaxtdan 40 dəqiqə sonra - 21:10-da başlayacaq.

Pressing.az xəbər verir ki, bu barədə İTV-nin oyuna ezam olunmuş əməkdaşı Kənan Hakimov sosial şəbəkə hesabında məlumat paylaşıb.

Buna səbəb Orhus şəhərindən Randersə gedən yolda avtoqəzanın baş verməsidir. Nəticədə tıxac yaranıb və komandaları gətirən avtobuslar yubanıblar.

Qeyd edək ki, "Orhus" klubunun ev oyunlarını keçirdiyi stadion yenidən qurulduğundan avrokubok oyunlarını "Randers" stadionunda keçirilir.