Vaqif Cavadov: "Azərbaycan futbolunda həmişə legionerlərə üstünlük verilib"
"Gərgin oyun oldu. Hər iki komanda qalib gəlmək istəyirdi. Bu gün hakim "Kəpəz"in qalib gəlməsi üçün hər şeyi etdi. Bizim də fürsətlərimiz oldu, dəyərləndirə bilmədik. Necə olacağını deyə bilmərəm, amma onu bilirəm ki, rəhbərliyin hər bir qərarına hörmətlə yanaşacağam. Növbəti mövsüm də burada qalsam, mənim işim barədə nəsə deyə bilərsiniz".
Pressing.az xəbər verir ki, bu sözləri "Sumqayıt"ın baş məşqçisi Vaqif Cavadov Misli Premyer Liqasının 34-cü turunda "Kəpəz"ə 0:1 hesabı ilə uduzduqları oyundan sonra deyib.
Cavadov görüşdən sonra keçirilən mətbuat konfransında bildirib ki, komandasında bəzi futbolçuları dəyişmək istərdi:
"Müasir futbolda qaçmasan, istəkli olmasan, qalib gəlmək mümkün deyil. Mənim də səhvlərim var. Amma bu komandanı mən qurmamışam. Qışdan sonra cəmi 3 transfer etdik. Mənim getməyim "Sumqayıt"a fayda verərsə, getməyə hazıram".
Mütəxəssis gənc oyunçulara şans vermək barədə belə deyib: "2006-2007 təvəllüdlü futbolçuları bizdən başqa hansı klub oynadır? Yetərli olsaydılar, əlbəttə, oynatmaq istəyərdim. 9-cu yerdə olmağımızın səbəbkarı yalnız Vaqif Cavadov deyil. Məndən əvvəl də komanda yaxşı oynamırdı. Hər situasiyaya hazıram. Əsas məsələ Premyer Liqada qalmaq idi, bunu da bacardıq. Azərbaycan futbolunda həmişə legionerlərə üstünlük verilib. Əcnəbi pulları qatlayıb öz evinə gedir".
V.Cavadov mətbuatın ona qarşı olan münasibətindən də söz açıb: "Bəziləri yazır ki, Vaqif getsin, əcnəbi məşqçi gəlsin. Aleksey Baqa gəlmişdi də. Azərbaycanlıları sevmirsinizsə, əcnəbilər gəlsin. Legioner limiti də ləğv olundu".
O, komandada dəyişikliklə bağlı suala deyib ki, yerli futbolçuların 70 faizinin müqaviləsi mövsümün sonunda bitir. Daha sonra isə öz səhvlərindən danışıb: "Səhvlərimiz çoxdur. Amma mənim səhvlərimi bilmək üçün gərək PRO kateqoriyasını oxuyasınız".
Mütəxəssis hakimliklikdən narazı olduğunu da vurğulayıb: "Neftçi" ilə oyunda eyni epizodda bizə penalti verməmişdilər. Eyni situasiyada fərqli qərarlar verilir".
Pressing.az xəbər verir ki, bu sözləri "Sumqayıt"ın baş məşqçisi Vaqif Cavadov Misli Premyer Liqasının 34-cü turunda "Kəpəz"ə 0:1 hesabı ilə uduzduqları oyundan sonra deyib.
Cavadov görüşdən sonra keçirilən mətbuat konfransında bildirib ki, komandasında bəzi futbolçuları dəyişmək istərdi:
"Müasir futbolda qaçmasan, istəkli olmasan, qalib gəlmək mümkün deyil. Mənim də səhvlərim var. Amma bu komandanı mən qurmamışam. Qışdan sonra cəmi 3 transfer etdik. Mənim getməyim "Sumqayıt"a fayda verərsə, getməyə hazıram".
Mütəxəssis gənc oyunçulara şans vermək barədə belə deyib: "2006-2007 təvəllüdlü futbolçuları bizdən başqa hansı klub oynadır? Yetərli olsaydılar, əlbəttə, oynatmaq istəyərdim. 9-cu yerdə olmağımızın səbəbkarı yalnız Vaqif Cavadov deyil. Məndən əvvəl də komanda yaxşı oynamırdı. Hər situasiyaya hazıram. Əsas məsələ Premyer Liqada qalmaq idi, bunu da bacardıq. Azərbaycan futbolunda həmişə legionerlərə üstünlük verilib. Əcnəbi pulları qatlayıb öz evinə gedir".
V.Cavadov mətbuatın ona qarşı olan münasibətindən də söz açıb: "Bəziləri yazır ki, Vaqif getsin, əcnəbi məşqçi gəlsin. Aleksey Baqa gəlmişdi də. Azərbaycanlıları sevmirsinizsə, əcnəbilər gəlsin. Legioner limiti də ləğv olundu".
O, komandada dəyişikliklə bağlı suala deyib ki, yerli futbolçuların 70 faizinin müqaviləsi mövsümün sonunda bitir. Daha sonra isə öz səhvlərindən danışıb: "Səhvlərimiz çoxdur. Amma mənim səhvlərimi bilmək üçün gərək PRO kateqoriyasını oxuyasınız".
Mütəxəssis hakimliklikdən narazı olduğunu da vurğulayıb: "Neftçi" ilə oyunda eyni epizodda bizə penalti verməmişdilər. Eyni situasiyada fərqli qərarlar verilir".
