"Sumqayıt" klubunun baş məşqçisi Vaqif Cavadov Misli Premyer Liqasının 23-cü turunda "Zirə"yə 0:3 hesabı ilə məğlub olduqları oyundan danışıb.

Pressing.az xəbər verir ki, o, matçdan sonra keçirilən mətbuat konfransında deyib:

"Çox yaxşı komandaya qarşı mübarizə apardıq. Rəşad Sadıqov iddialı kollektiv formalaşdırıb. İlk hissədə fərdi səhvlərdən sadə toplar buraxdıq. Oyunun taleyi də məhz o qollardan sonra həll olundu. Yolumuza davam edirik. Ümidvaram ki, bu uğursuzluğa gec-tez son verəcəyik".