Xəbər verdiyimiz kimi, “Sumqayıt” Futbol Klubunun Müşahidə Şurasının üzvü, futbol veteranı Abdulla Məmmədov dünyasını dəyişib.

Bu səbəbdən Misli Premyer Liqasının 30-cu turu çərçivəsində bu gün keçiriləcək "Sumqayıt" – "Şamaxı" matçı bir dəqiqəlik sükutla başlayacaq.

Bu barədə məlumatı Pressing.az-a açıqlamasında "kimyaçılar"ın mətbuat katibi Zaur Xudiyev verib. O, A.Məmmədovun vəfatıyla əlaqədar Peşəkar Futbol Liqasına müraciət ünvanladıqlarını və bir dəqiqəlik sükutla bağlı icazə alındığını bildirib.

Qeyd edək ki, qarşılaşma saat 19:15-də start götürəcək.

Daşqın Əziz