Bu gün Azərbaycan kubokunda 1/4 final mərhələsinin cavab oyunlarına start veriləcək.

Pressing.az xəbər verir ki, ilk oyun günündə iki görüş keçiriləcək. Əvvəlcə “Qarabağ” “Səbail”lə qarşılaşacaq. Bu cütün ilk matçında “köhlən atlar” 1:0 hesablı qələbə qazanmışdı.

Günün son matçında “Sumqayıt” doğma meydanda “Sabah”ı qəbul edəcək. Bu komandaların ilk dueli qolsuz yekunlaşmışdı.

Sabah 1/4 final mərhələsinin daha iki cavab oyunu keçiriləcək.

Azərbaycan kuboku, 1/4 final mərhələsi
Cavab oyunları

27 fevral

Qarabağ – Səbail
Tofiq Bəhramov adına Respublika Stadionu. Saat 16:00
Hakimlər: Cavid Cəlilov, Müslüm Əliyev, Eyyub İbrahimov, Kamran Əliyev
VAR: Rauf Allahverdiyev
AVAR: Şirmamed Mamedov
Hakim-inspektor: Vüsal Əliyev
AFFA nümayəndəsi: Elçin Məmmədov

Sumqayıt – Sabah
Mehdi Hüseynzadə adına Sumqayıt şəhər stadionu. Saat 19:30
Hakimlər: Elçin Məsiyev, Elşad Abdullayev, Pərvin Talıbov, Rauf Cabarov
VAR: Nicat İsmayıllı
AVAR: Rəhman İmami
Hakim-inspektor: Anar Salmanov
AFFA nümayəndəsi: Mübariz Hüseynov