Şahruddin Məhəmmədəliyev sıraya qayıdıb

Azərbaycan millisinin və “Qarabağ” klubunun qapıçısı Şahruddin Məhəmmədəliyev dörd aydan sonra yaşıl meydanlara qayıdır.

Pressing.az xəbər verir ki, 30 yaşlı futbolçu “köhlən atlar”ın “Qəbələ”yə qarşı keçirəcəyi Azərbaycan kubokunun 1/8 final mərhələsinin matçında start heyətində yer alıb.

Oyun saat 16:00-da start götürəcək.

Qolkiper cari ilin avqustunda məşqdə zədələndikdən sonra əməliyyat olunmuşdu. Məhəmmədəliyev sonuncu dəfə avqustun 2-də, Premyer Liqanın 1-ci turunda “Araz-Naxçıvan”a 4:1 hesabı ilə qalib gəldikləri görüşdə meydanda olub.