Misli Premyer Liqasında 15-ci tur davam edir.

Pressing.az xəbər verir ki, bu gün turun daha 2 oyunu keçirilib.

Əvvəlcə "Şamaxı" öz meydanında "Kəpəz"lə qarşılaşıb. Görüş gəncəlilərin 1:0 hesablı qələbəsi ilə bitib.

Günün son oyununda isə "Zirə" "Sumqayıt”ı qəbul edib. Matç Bakı təmsilçisinin 4:1 hesablı qələbəsi ilə yekunlaşıb. "Qartallar"ın bu oyundakı qollarını gürcü futbolçular - Davit Volkov (3 qol) və Georgi Papunaşvili vurublar.

Beləliklə, "Zirə" turnir cədvəlində 23 xalla yenidən 4-cü yerdə qərarlaşıb. "Sumqayıt" isə 16 xalla 6-cıdır.

Qeyd edək ki, tura sabah keçiriləcək “Neftçi” - “Qarabağ” matçı ilə yekun vurulacaq.

30 noyabr (şənbə)

17:00. “Zirə” – “Sumqayıt” - 4:1

Qol: Davit Volkov, 8 (1:0), Nikola Vuynoviç, 36 (1:1), Georgi Papunaşvili, 55 (2:1), Davit Volkov, 66 (3:1), 75 (4:1)

Hakimlər: Rəşad Əhmədov, Vüsal Məmmədov, Rəhman İmami, Elvin Bayramo, Nicat İsmayıllı (VAR), Asiman Əzizli (AVAR)

Zirə İK stadionu

14:30. “Şamaxı” – “Kəpəz” - 0:1

Qol: L. Paçu, 70

Hakimlər: İnqilab Məmmədov, Zöhrab Abbasov, Rahil Ramazanov, Əkbər Əhmədov, Tural Qurbanov (VAR), Teymur Teymurov (AVAR)

Şamaxı şəhər stadionu