Millimiz (U-19) böyük hesabla məğlub oldu

19 yaşadək futbolçulardan ibarət Azərbaycan milli komandası Avropa çempionatının seçmə mərhələsində ikinci oyununu keçirib.

Pressing.az xəbər verir ki, 7-ci qrupda yer alan millimiz İrlandiya yığması ilə üz-üzə gəlib. Moldovanın paytaxtı Kişinyovda yerləşən “Zimbru-2” stadionunda təşkil olunan görüş İrlandiya seçməsinin 4:0 hesablı qələbəsi ilə yekunlaşıb.

Qeyd edək ki, ilk oyununda İslandiya yığmasına 0:2 hesabı ilə məğlub olan U-19 qrupda son matçını noyabrın 19-da Moldova yığmasına qarşı keçirəcək.