21 yaşadək futbolçular arasında Avropa çempionatının seçmə mərhələsi çərçivəsində keçiriləcək Lüksemburq - Azərbaycan oyununun hakim təyinatları məlum olub.

Pressing.az xəbər verir ki, matçı İsveçrədən olan hakimlər briqadası idarə edəcək.

Oyunun baş hakimi Desiree Qrundbaxer olacaq. Ona yan xətdə Mattias Sbrissa və Quillaume Maire kömək edəcək. Dördüncü hakim funksiyasını isə Anojen Kanaqasinqam yerinə yetirəcək.

Qeyd edək ki, görüş sentyabrın 6-da Eş-syur Alzett şəhərində yerləşən “Emile Mayrisch” stadionunda keçiriləcək oyun Bakı vaxtı ilə saat 21:30-da başlayacaq.