"Qarabağ" "Ludoqorets"ə uduzdu – YENİLƏNİB

Bu gün "Qarabağ" klubu UEFA Çempionlar Liqasının 3-cü təsnifat mərhələsində ilk oyununa çıxıb.

Pressing.az xəbər verir ki, Ağdam klubu Bolqarıstan "Ludoqorets"i ilə evdə qarşılaşıb. Görüş qonaq komandanın 2:1 hesablı qələbəsiylə başa çatıb.

Bu komandalar arasında cavab oyunu avqustun 13-də Bolqarıstanda olacaq.

"Qarabağ" - "Ludoqorets" cütünün qalibi ÇL-in pley-off mərhələsində Zaqreb "Dinamo"su (Xorvatiya) ilə üz-üzə gələcək.

Cütün məğlubu isə yoluna Avropa Liqasının pley-offunda davam edəcək və burada "Petrokub" (Moldova) – TNS (Uels) duelinin qalibi ilə qarşılaşacaq.

6 avqust.

20:00. “Qarabağ” (Azərbaycan) – “Ludoqorets” (Bolqarıstan) 1:2

Hakimlər: Urs Şnider, Marco Zürcher, Benjamin Zürcher, Sven Wolfensberger (İsveçrə)

VAR hakimləri: Fedayi San, Johannes von Mandach

Tofiq Bəhramov adına Respublika Stadionu