"Kəpəz" Küveyt klubu ilə üz-üzə gələcək

"Kəpəz" klubunun yoxlama oyunu keçirəcəyi növbəti rəqibin adına aydınlıq gəlib.

Pressing.az xəbər verir ki, Gəncə təmsilçi Azərbaycanda təlim-məşq toplanışında olan Küveytin "Əl-Yarmuk" klubu ilə qarşılaşacaq.

İyulun 22-də Qəbələdə təşkil ediləcək görüş saat 17:30-da başlayacaq.

Qeyd edək ki, "Kəpəz" bunadək 2 yoxlama oyunu keçirmişdi. Adil Şükürovun kollektivi "Turan Tovuz"a 0:4, "Şamaxı"ya isə 1:2 hesabı ilə uduzub.