Moldovanın "Şerif" klubunun futbolçuları bu gün Bakıya gəlib.

Pressing.az xəbər verir ki, bu haqda klubun yaydığı açıqlamada bildilib. Açıqlamada Heydər Əliyev adına Beynəlxalq Hava Limanından şəkil də paylaşılıb.

Qeyd edək ki, "Şerif" Avropa Liqasının birinci təsnifat mərhələsinin cavab matçında sabah "Zirə" ilə qarşılaşacaq. Oyun yerli vaxtla saat 20:00-da Mərdəkandakı stadionda başlanacaq. Bu komandaların Tiraspolda keçirilən ilk matçında Azərbaycan təmsilçisi 1:0 hesabı ilə qələbə qazanıb.

Əlavə edək ki, bu gün saat 18:30-da "Şerif"in baş məşqçisi Yuri Huranın mətbuat konfransı, 19:00-da isə komandanın media üçün açıq məşqi keçiriləcək.