Yeni mövsüm üçün hazırlıqlarını Ankaranın Qızılcahamam bölgəsində davam etdirən "Sumqayıt" bu gün son yoxlama oyununu keçirib.

Pressing.az xəbər verir ki, Samir Abasovun komandası Türkiyə Superliqası təmsilçisi "Adana Demirspor" ilə üz-üzə gəlib.

Qarşılaşma 2:2 hesablı heç-heçə ilə başa çatıb. "Sumqayıt"ın heyətində yeni transferlər - Nikola Vuynoviç və Rəhim Sadıxov fərqləniblər.

Qeyd edək ki, "Sumqayıt" bundan əvvəl "Gənclərbirliyi"nə qalib gəlib (1:0), "Orenburq"a uduzub - 1:2.