Bu gün futbol üzrə Azərbaycan yığma komandası Macarıstanda ilk yoldaşlıq oyununu keçirib.
Pressing.az xəbər verir ki, Arif Əsədovun rəhbərlik etdiyi komanda Silvinyonun çalışdırdığı Albaniya millisi ilə qarşılaşıb və 1:3 hesabı ilə uduzub.
Sombatxey şəhərindəki “Haladas SportKomplexum”da oynanılan görüş Bakı vaxtı ilə saat 21:00-da başlayıb.
Qeyd edək ki, Albaniya millisi Avro-2024-ün final mərhələsində iştirak edəcək komandalardan biridir.
Əlavə edək ki, Azərbaycan millisi 2-ci yoldaşlıq oyununda Qazaxıstanla qarşılaşacaq. Matç iyunun 11-də keçiriləcək.
Yoldaşlıq oyunu
21:00. Albaniya - Azərbaycan - 3:1
Qol: Nedim Bayrami, 12 (1:0), Manay, 81 (2:0), Lyaçi, 88 (3:0), Musa Qurbanlı, 90 (3:1)
Baş hakim: Mihali Kaprali (Macarıstan)
“Haladas SportKomplexum”, Sombatxey