"Qarabağ" bu gün mükafatlandırılacaq
Azərbaycan Futbolu
26-05-2024, 14:04
Bu gün Azərbaycan Premyer Liqasının 36-cı turunun "Araz-Naxçıvan" - "Qarabağ" oyunundan sonra mükafatlandırılma mərasimi keçiriləcək.
Pressing.az xəbər verir ki, "Azersun Arena"da olacaq mərasimdə mövsümün qalibi "Qarabağ"a qızıl medallar və çempionluq kuboku təqdim olunacaq.
"Araz-Naxçıvan" - "Qarabağ" oyunu saat 19:30-da başlayacaq.
Qeyd edək ki, yeni mövsümdə Azərbaycanı Avropa kuboklarında “Qarabağ” (Çempionlar Liqası), “Zirə” (Avropa Liqası, kubokun finalının nəticəsindən asılı olmayaraq), “Sabah” və “Sumqayıt” (hər ikisi Konfrans Liqası) təmsil edəcəklər.