Premyer Liqada 2, 3 və 4-cü yerin sahibləri bilindi – YENİLƏNİB

2024/25 mövsümü Azərbaycanı Avropa kuboklarında təmsil edəcək bütün komandaların adları dəqiqləşib.

Pressing.az xəbər verir ki, Azərbaycan Premyer Liqasının bu gün keçirilən sonuncu - 36-cı turunun ilk gününün 3 matçından sonra bəlli olub.

“Sabah” səfərdə “Neftçi”yə (1:0), “Zirə” öz meydanında “Səbail”ə (1:0, “Sumqayıt” isə “Qəbələ”yə (1:0) qalib gəlib. Bu nəticədən sonra “Zirə” çempionatı 58 xalla 2-ci, “Sabah” 3-cü (58 xal), “Sumqayıt” isə 57 xalla 4-cü yerdə başa vurub. “Neftçi” 56 xalla 5-ci olub və avrokuboklardan kənarda qalıb.

Beləliklə, yeni mövsüm Azərbaycanı Avropa kuboklarında “Qarabağ” (Çempionlar Liqası), “Zirə” (Avropa Liqası, kubokun finalının nəticəsindən asılı olmayaraq), “Sabah” və “Sumqayıt” (hər ikisi Konfrans Liqası) təmsil edəcəklər.

25 may (şənbə)

19:00. “Zirə” – “Səbail” - 1:0

Qol: Qismət Alıyev, 57 (1:0)

Qırmızı vərəqə: Valdemar Almeyda, 70 ("Səbail")
Zirə İdman Kompleksinin stadionu

19:00. “Neftçi” – “Sabah” - 0:1

Qol: Namik Ələsgərov, 86 (0:1)

Qırmızı vərəqə: Dieqo Valdez, 89 ("Neftçi"), Kahim Parris, 89, Con İrasabal, 89 (hər ikisi "Sabah")
“Neftçi Arena”

19:00. “Sumqayıt” – “Qəbələ” - 1:0

Qol: Erik Sorqa, 52 (1:0)
Mehdi Hüseynzadə adına Sumqayıt şəhər stadionu