"Qarabağ" "qorxulu siyahı"da » Pressing.Az
"Qarabağ" "qorxulu siyahı"da - Rumıniya mətbuatı
Azərbaycan Futbolu / Çempionlar Liqası 1-05-2024, 13:24

Rumıniya mətbuatı ölkə çempionu FCSB-nin UEFA Çempionlar Liqasında rəqibləri haqqında yazısında “Qarabağ”a da toxunub.

Pressing.az
xəbər verir ki, “Digi Sport” nəşrinin hazırladığı siyahıda Ağdam klubu arzuolunmaz rəqib kimi göstərilib.

Buxarest təmsilçisi ÇL-in 1-ci təsnifat mərhələsini keçsə, 2-ci turda “Qarabağ”a rəqib ola bilər.

Rumınlar paytaxt klubunun təsnifat mərhələləri və pley-offdakı ən çətin hesab etdikləri rəqiblərdən ibarət “qorxulu siyahı” hazırlayıb. Bu siyahıda “Qarabağ”la yanaşı, “Ordabası”, “Slaviya” və “Qalatasaray” da yer alıb.

“Qorxulu siyahı”

1-ci tur: “Ordabası” (Qazaxıstan)

2-ci tur: “Qarabağ” (Azərbaycan)

3-cü tur: “Slaviya” (Praqa, Çexiya)

Pley-off: “Qalatasaray” (Türkiyə)

Çempionlar Liqasında 1-ci təsnifat mərhələsinin oyunları 9-10 iyul və 16-17 iyul, 2-ci mərhələnin matçları isə 23-24 iyul və 30-31 iyulda keçiriləcək.