Bir müddətdir Kabo-Verde millisinin düşərgəsində olan "Qarabağ" klubunun futbolçusu Patrik Andrade komandaya qayıdıb.

Pressing.az xəbər verir ki, klubun İdarə Heyətinin üzvü Asif Əsgərov bununla bağlı İnstaqram səhifəsində paylaşım edib.

Andradenin çıxış etdiyi Kabo-Verde millisi Afrika Millətlər Kubokunun 1/4 final mərhələsində mübarizəni dayandırıb. 30 yaşlı futbolçu buna görə "Qarabağ"a qoşulub.

Xatırladaq ki, Kabo-Verde millisi 1/4 finalda Cənubi Afrika yığması ilə qarşılaşıb. Penaltilər seriyasına qədər uzanan matçda Andradenin komandası uduzaraq turnirlə vidalaşıb. Həmin görüşdə Andrade de daxil olmaqla Kabo-Verdenin 4 futbolçusu penaltidən yararlana bilməyib. Bütün zərbələri rəqib qapıçısı Ronven Uilyams dəf edib.