Numan Kurdiç “Araz-Naxçıvan” klubunun tarixinə Premyer Liqada avtoqol müəllifi olan ilk futbolçu kimi düşüb.

Pressing.az PFL-in rəsmi saytına istinadən xəbər verir ki, Muxtar Respublika təmsilçisinin kapitanı Misli Premyer Liqasının XV turunda öz qapısına qol vurub. O, bu uğursuzluğu “Səbail”lə matçda (1:1) yaşayıb.

Bunadək 44 müxtəlif klubun futbolçuları öz qapısına qol vurmuşdu. “Araz-Naxçıvan” bu siyahıda 45-ci olub. “Neftçi” hamıdan çox – 23, “Şamaxı” 20, “Qarabağ”la “Şüvəlan” hərəsi 18 belə halla üzləşib.