Azərbaycan millisinin matçının yeri dəyişdirilib

Azərbaycan və Litva milli komandaları arasında oktyabrın 4-də keçiriləcək qarşılaşmanın məkanı dəyişdirilib.

Pressing.az xəbər verir ki, bu haqda AFFA-nın mətbuat xidməti məlumat yayıb. Oyunun ilkin olaraq Gəncə şəhərində keçirilməsi ilə bağlı UEFA-nın müvafiq razılığı alınsa da tərəflər arasında aparılmış əlavə müzakirələr, eləcə də qarşılaşmanın təşkili ilə bağlı texniki və logistika məsələlərinin ümumi qiymətləndirilməsi nəticəsində qarşılaşmanın Bakıda keçirilməsi qərara alınıb.

Məkan dəyişikliyi UEFA ilə də razılaşdırılıb.

Qeyd edək ki, AFFA-nın məlumatına görə, məkan dəyişikliyi Gəncə şəhərinin və stadionun qarşılaşmanı qəbul etməyə hazırlığı ilə bağlı deyil.