Siyasət Əsgərovdan “Sumqayıt"a qarşı laqeydlik, yoxsa şəxsi seçim?
Qadınlardan ibarət Azərbaycan millisinin də heyəti açıqlanıb.
Baş məşqçi Siyasət Əsgərov 24 nəfərlik heyətə özünün baş məşqçisi olduğu "Neftçi"dən 6 futbolçu çağırıb. 6-cı pillədə qərarlaşan "Dirçəliş"dən də futbolçu dəvət alıb. Hətta klubsuz futbolçu da var. Rusiyadan, Türkiyədən, Gürcüstandan 5-6 legioner də var.
Amma çox maraqlıdır ki, çempionatda 2-ci pillədə qərarlaşan və qadın futbolunun mərkəzlərindən hesab olunan "Sumqayıt"dan bir futbolçu da milliyə dəvət almayıb. Andorra ilə oyundan qabaq da bununla bağlı baş məşqçiyə sual vermişdim və məntiqli, qane edən cavab ala bilməmişdim. Mümkün deyil axı, 12 komandalı çempionatda 2-ci pillədə olan, liderin özündən belə, daha çox qol vuran komandadan bir nəfər də futbolçu tapılmasın ki, millinin 24 nəfərlik siyahısına düşə bilməsin. Andorra ilə oyuna da "Sumqayıt"dan heç kim çağırılmamışdı. Halbuki həmin toplanışa orta sıralardakı "Liman"dan da futbolçu çağırılmışdı.
Siyasət Əsgərovun "Sumqayıt"a qarşı bu laqeydliyinə izah tapa bilmirəm. Mən özüm bu mövsüm "Sumqayıt"ın 3-4 oyununa stadiondan canlı baxmışam. Əminliklə deyərdim ki, bu komandada bir neçə futbolçu var ki, hazırda milliyə dəvət alan 24 nəfərin əksəriyyətindən zəif deyil. Amma hər dəfə millinin qapıları onların üzünə bağlanır. Dərd orasındadır ki, mən hələ bir dəfə də olsun millinin baş məşqçisini, köməkçilərini "Sumqayıt"ın ev oyunlarında görməmişəm. Milli məşqçiləri liderlərin də oyunlarını izləməyib kimin oyunlarını izləyəcək? Nİyə izləmirlər? Türkə, rusa, gürcüyə ayırdığınız diqqəti, marağı özümüzünkülərə ayırın da.
İnsaf naminə, "Sumqayıt" klubu qadın futboluna diqqət ayırır, şərait yaradır, əksər oyunlarını ehtiyat təbii örtükdə keçirirlər, bəzi oyunlara A komandanın avtobusu ilə gedirlər, baş məşqçi Sabir Mütəllimov illərdi əziyyət çəkir, bir neçə yaş qrupunda komandaya baxır, futbolçu yetişdirir milli məşqçiləri niyə bunu dəyərləndirmir? Ən azı Macarıstanla oyunu Sumqayıtda keçirəcəksən, heç olmasa yerli publikaya jest edib "Sumqayıt"dan klimisə milliyə dəvət edə bilərdin axı...
Anar Xanlarov
Baş məşqçi Siyasət Əsgərov 24 nəfərlik heyətə özünün baş məşqçisi olduğu "Neftçi"dən 6 futbolçu çağırıb. 6-cı pillədə qərarlaşan "Dirçəliş"dən də futbolçu dəvət alıb. Hətta klubsuz futbolçu da var. Rusiyadan, Türkiyədən, Gürcüstandan 5-6 legioner də var.
Amma çox maraqlıdır ki, çempionatda 2-ci pillədə qərarlaşan və qadın futbolunun mərkəzlərindən hesab olunan "Sumqayıt"dan bir futbolçu da milliyə dəvət almayıb. Andorra ilə oyundan qabaq da bununla bağlı baş məşqçiyə sual vermişdim və məntiqli, qane edən cavab ala bilməmişdim. Mümkün deyil axı, 12 komandalı çempionatda 2-ci pillədə olan, liderin özündən belə, daha çox qol vuran komandadan bir nəfər də futbolçu tapılmasın ki, millinin 24 nəfərlik siyahısına düşə bilməsin. Andorra ilə oyuna da "Sumqayıt"dan heç kim çağırılmamışdı. Halbuki həmin toplanışa orta sıralardakı "Liman"dan da futbolçu çağırılmışdı.
Siyasət Əsgərovun "Sumqayıt"a qarşı bu laqeydliyinə izah tapa bilmirəm. Mən özüm bu mövsüm "Sumqayıt"ın 3-4 oyununa stadiondan canlı baxmışam. Əminliklə deyərdim ki, bu komandada bir neçə futbolçu var ki, hazırda milliyə dəvət alan 24 nəfərin əksəriyyətindən zəif deyil. Amma hər dəfə millinin qapıları onların üzünə bağlanır. Dərd orasındadır ki, mən hələ bir dəfə də olsun millinin baş məşqçisini, köməkçilərini "Sumqayıt"ın ev oyunlarında görməmişəm. Milli məşqçiləri liderlərin də oyunlarını izləməyib kimin oyunlarını izləyəcək? Nİyə izləmirlər? Türkə, rusa, gürcüyə ayırdığınız diqqəti, marağı özümüzünkülərə ayırın da.
İnsaf naminə, "Sumqayıt" klubu qadın futboluna diqqət ayırır, şərait yaradır, əksər oyunlarını ehtiyat təbii örtükdə keçirirlər, bəzi oyunlara A komandanın avtobusu ilə gedirlər, baş məşqçi Sabir Mütəllimov illərdi əziyyət çəkir, bir neçə yaş qrupunda komandaya baxır, futbolçu yetişdirir milli məşqçiləri niyə bunu dəyərləndirmir? Ən azı Macarıstanla oyunu Sumqayıtda keçirəcəksən, heç olmasa yerli publikaya jest edib "Sumqayıt"dan klimisə milliyə dəvət edə bilərdin axı...
Anar Xanlarov
