Azərbaycan futbolunda yeni era: “Sabah”ın uğurunun sirri – YAZI
Bir neçə il əvvələ qədər “Sabah” sadəcə ambisiyalı layihə kimi görünürdü. Bu gün isə həmin layihə artıq Azərbaycan futbolunun reallığını dəyişən əsas qüvvələrdən birinə çevrilib. Ardıcıl ikinci dəfə Azərbaycan Kubokunun qazanılması və ilk dəfə ölkə çempionluğunun əldə olunması təsadüf deyil. Bu uğurun arxasında sistemli idarəçilik və uzunmüddətli plan dayanır.
"Bayquşlar"ın prezidenti Maqsud Adıgözəlov son illərdə Azərbaycan futbolunda ən stabil və ən peşəkar idarəçilik nümunələrindən birini formalaşdırıb. Futbolda nəticə təkcə pul ilə gəlmir. Əsas məsələ həmin vəsaitin necə idarə olunmasıdır. “Sabah” isə məhz bu məqamda fərq yaratmağı bacarıb.
Transfer siyasəti də bunun əsas nümunəsidir. Masazır təmsilçisi illərlə ad üçün transfer edən klubların əksinə sistemə uyğun futbolçular seçdi. Komandaya gələn oyunçular sadəcə tanınmış adlar yox, məşqçinin oyun fəlsəfəsinə uyğun parçalar oldu.
Bu uğurun ən vacib tərəflərindən biri isə akademiyaya göstərilən diqqətdir. Azərbaycan futbolunda çox danışılan, amma az görülən işlərdən biri məhz infrastruktur və gənc futbolçuların inkişafıdır. “Sabah” burada da fərqli yanaşma ortaya qoydu. Belə görünür ki, akademiyaya qoyulan investisiya, yaradılan şərait və formalaşdırılan sistem yaxın illərdə Azərbaycan futboluna yeni istedadlar qazandıracaq.
Yeni baş məşqçi Valdas Dambrauskas ilə qısa müddətdə həm kubok, həm də çempionluğun qazanılması da təsadüfi görünmür. Bu, planlı klub modelinin, düzgün baş məşqçi seçiminin göstəricisi sayıla bilər.
Ən önəmlisi isə “Sabah” son illərdə Azərbaycan futboluna yeni nəfəs gətirdi. Uzun illər eyni adların və eyni mübarizənin içində qalan Premyer Liqaya yeni rəqabət, yeni vizion və yeni futbol mədəniyyəti qazandırdı. Bu gün “Sabah”ın uğuru təkcə bir klubun çempionluğu deyil. Bu, düzgün idarə olunan futbol layihəsinin Azərbaycanda da işləyə biləcəyinin sübutudur.
Orxan İsmayılov
"Bayquşlar"ın prezidenti Maqsud Adıgözəlov son illərdə Azərbaycan futbolunda ən stabil və ən peşəkar idarəçilik nümunələrindən birini formalaşdırıb. Futbolda nəticə təkcə pul ilə gəlmir. Əsas məsələ həmin vəsaitin necə idarə olunmasıdır. “Sabah” isə məhz bu məqamda fərq yaratmağı bacarıb.
Transfer siyasəti də bunun əsas nümunəsidir. Masazır təmsilçisi illərlə ad üçün transfer edən klubların əksinə sistemə uyğun futbolçular seçdi. Komandaya gələn oyunçular sadəcə tanınmış adlar yox, məşqçinin oyun fəlsəfəsinə uyğun parçalar oldu.
Bu uğurun ən vacib tərəflərindən biri isə akademiyaya göstərilən diqqətdir. Azərbaycan futbolunda çox danışılan, amma az görülən işlərdən biri məhz infrastruktur və gənc futbolçuların inkişafıdır. “Sabah” burada da fərqli yanaşma ortaya qoydu. Belə görünür ki, akademiyaya qoyulan investisiya, yaradılan şərait və formalaşdırılan sistem yaxın illərdə Azərbaycan futboluna yeni istedadlar qazandıracaq.
Yeni baş məşqçi Valdas Dambrauskas ilə qısa müddətdə həm kubok, həm də çempionluğun qazanılması da təsadüfi görünmür. Bu, planlı klub modelinin, düzgün baş məşqçi seçiminin göstəricisi sayıla bilər.
Ən önəmlisi isə “Sabah” son illərdə Azərbaycan futboluna yeni nəfəs gətirdi. Uzun illər eyni adların və eyni mübarizənin içində qalan Premyer Liqaya yeni rəqabət, yeni vizion və yeni futbol mədəniyyəti qazandırdı. Bu gün “Sabah”ın uğuru təkcə bir klubun çempionluğu deyil. Bu, düzgün idarə olunan futbol layihəsinin Azərbaycanda da işləyə biləcəyinin sübutudur.
Orxan İsmayılov
