MPL: "Karvan-Yevlax" "Şamaxı"ya, "Sabah" "Qarabağ"a qalib gəldi

Misli Premyer Liqasında 28-ci tur davam edir.

Pressing.az xəbər verir ki, ikinci oyun gününə nəzərdə tutulan 2 matç başa çatıb.

Əvvəlcə "Karvan-Yevlax” öz meydanında “Şamaxı”nı qəbul edib. Ötən tur qələbə həsrətinə son qoyan Yevlax klubu bu matçda da meydandan üstün ayrılmağı bacarıb. Bu mövsüm komandalar arasında keçirilən hər iki görüşdə "Şamaxı” eyni hesablı qələbə qazanıb - 3:0.

Daha sonra isə turun mərkəzi oyununda “Qarabağ” Tofiq Bəhramov adına Respublika stadionunda “Sabah”ı qəbul edib. Matç" qonaqların 1:0 hesablı qələbəsi ilə başa çatıb. Qurban Qurbanovun komandası rəqibindən 1 oyun az keçirib. Cari mövsüm çempionatda tərəflər arasında keçirilən oyunlardan birində “Sabah” qələbə qazanıb (2:1), digəri isə heç-heçə bitib (3:3).

18 aprel (şənbə)

19:30. “Qarabağ” - “Sabah” - 0:1

Qol: Abdulax Xaybulaev, 45

Tofiq Bəhramov adına Respublika Stadionu

15:30. “Karvan-Yevlax” - “Şamaxı” - 1:0

Qol: Coy Sleyd Mikels, 39

Yevlax şəhər stadionu