"Sabah" və "Şamaxı"dan qələbə - YENİLƏNİB

Misli Premyer Liqasında 18-ci turun görüşləri davam edir.

Pressing.az xəbər verir ki, ikinci oyun gününə nəzərdə tutulan matçlar yekunlaşıb.


Günün ilk qarşılaşmasında “Kəpəz” Yevlaxda “Şamaxı”nı sınağa çəkib. Oyunda "Şamaxı" 2:0 hesabı ilə üstün olub.

"Şamaxı" qələbə sayəsində xallarının sayını 23-ə çatdırıb və 7-ci pilləyə yüksəlib. Gəncə klubu isə 12 xalla 11-cidir. Bu komandaların ilk dövrədəki oyununda Azər Bağırovun komandası Şamaxıdan 4:1 hesablı qələbə ilə qayıdıb.

Günün ikinci matçında “Zirə” öz meydanında “Sabah”la qarşılaşıb. Matç "Sabah"ın 3:1 hesablı qələbəsi ilə başa çatıb. Bu qələbədən sonra "Sabah" xallarını 43-ə çatdıraraq liderliyini möhkəmlədib. Rəşad Sadıqovun komandası isə 29 xalla 5-ci pillədə qərarlaşıb.

Masazır təmsilçisi son 6 turda xal itirmədiyi halda, “Zirə” ardıcıl 4 görüşdür qələbəyə həsrətdir.

Bu komandaların ilk dövrədəki görüşü “Sabah”ın 3:0 hesablı qələbəsi ilə yekunlaşıb.

31 yanvar (şənbə)

17:00. “Zirə” - “Sabah” - 1:3

Qol: Velko Simiç, 10 (0:1), İvan Lepiniça, 22 (0:2), Xəyal Əliyev, 27 (0:3), Davit Volkov, 83 (1:3)
Hakimlər: Kamal Umudlu, Namiq Hüseynov, Vüsal Məmmədov, Əkbər Əhmədov
VAR: Rəvan Həmzəzadə
AVAR: Rəhman İmami
Zirə İdman Kompleksinin stadionu

14:30. “Kəpəz” - “Şamaxı” - 0:2

Qollar: A.Ağcabəyov, 12, K.Rossi, 45+1
Hakimlər: Cavid Cəlilov, Kamran Bayramov, Müslüm Əliyev, Kamran Əliyev
VAR: Fərid Hacıyev
AVAR: Asiman Əzizli
Yevlax şəhər stadionu