Füzuli Məmmədov: "Bu durumdan çıxmaq üşün hər şeyi edəcəyik"

Misli Premyer Liqasının 18-ci turu çərçivəsində keçirilən "Karvan-Yevlax" - "Sumqayıt" oyunundan (0:2) sonra meydan sahiblərinin baş məçqçisi Füzuli Məmmədovun iştirakı ilə mətbuat konfransı keçirilib.

Pressing.az xəbər verir ki, o, oyunla bağlı bunları deyib:

"Oyuna çox ciddi hazırlaşmışdıq. Son matçı təhlil etmişdik. Futbolçulara həm rəhbərlik, həm də məşqçilər tərəfindən motivasiya verilmişdi. Matça çox yaxşı başlamışdıq. Lakin sonradan müdafiədə ardıcıl buraxdığımız səhvlər oyunun nəticəsinə təsir etdi. Maksimum dərəcədə çalışırdıq ki, qalib gələk, lakin əfsuslar olsun ki, ilk yarıda buraxdığımız səhvlər sözünü dedi. Futbolçularıma hər zaman inanmışam və inanacam. Bu durumdan çıxmaq üçün maksimum çalışacağıq, hər şeyi edəcəyik".