21 yaşadək futbolçulardan ibarət Azərbaycan millisi Avropa çempionatının seçmə mərhələsi çərçivəsində bu gün növbəti oyununa çıxacaq.

Pressing.az xəbər verir ki, Rəşad Eyyubovun çalışdırdırdığı millimiz 5-ci matçında səfərdə Cəbəllüttariqin müvafiq yaş qrupundan ibarət komandası ilə qarşılaşacaq.

“Europa Point Stadium”da keçiriləcək görüş Bakı vaxtı ilə saat 22:00-da başlanacaq. Oyunu Rumıniyadan olan hakimlər briqadası idarə edəcək.

Qeyd edək ki, Azərbaycan millisi seçmə mərhələdə 2 oyunda uduzub, 2 görüşdə isə heç-heçə edib. Komanda 2 xalla 5-ci pillədədir.

18 noyabr

22:00.Cəbəllüttariq (U-21) - Azərbaycan (U-21)
Baş hakim: Andrei Çivulete (Rumıniya)
“Europa Point Stadium”.