21 yaşadək futbolçulardan ibarət Azərbaycan yığma komandası Avropa çempionatının seçmə mərhələsi çərçivəsində bu gün 8-ci oyununa çıxacaq.

Pressing.az xəbər verir ki, F qrupunda yer alan millimiz Bakıda Serbiyanın müvafiq yaş qrupundan ibarət komandası ilə qarşılaşacaq. “Dalğa Arena”da keçiriləcək görüş saat 19:00-da başlayacaq. Qarşılaşmanı Fransadan olan hakimlər briqadasının idarə edəcək.

Qeyd edək ki, hazırda Azərbaycan millisi 7 oyundan 3 xalla qrupda sonuncu, rəqibi Serbiya isə 8 matçdan 10 xalla 3-cü yeri tutur.

10 sentyabr

19:00. Azərbaycan (U-21) – Serbiya (U-21)

Hakimlər: Bastien Dechepy, Alexis Auger, Brice Parinet Le Tellier, Florent Batta (Fransa)

"Dalğa Arena"