Yeni mövsümdən Misli Premyer Liqasında çıxış edəcək "İmişli" klubunun yeni baş məşqçisi bəlli olub.

Pressing.az xəbər verir ki, bu barədə klubun sosial şəbəkə hesabında məlumat verilib.

Portuqaliyalı məşqçi Xorxe Kaskilya (orijinalda ad-soyadı: Jorge António Rosa Casquilha) bölgə təmsilçisini çalışdıracaq. 56 yaşlı mütəxəssislə 1 illik müqavilə imzalanıb.

Kaskilyanın köməkçiləri Kristiano Duraes, Quilherme Kadete olacaq. Qapıçılar üzrə məşqçi Elşad Tahirov, fiziki hazırlıq üzrə məşqçi isə Ulian Qoqa təyin edilib.

Qeyd edək ki, Xorxe Kaskilya indiyədək ən çox Portuqaliyada, 1-ci, əsasən isə 2-ci liqa komandalarında çalışıb. Onun son klubu isə Çexiyanın 3-cü liqa təmsilşisi "Znojmo" FK olub. 2024-cü ilin sentyabrında bu kluba baş məşqçi təyin edilən Kaskilya 2025-cü ilin martında (9 oyundan sonra) istefaya göndərilib.