Misli Premyer Liqasında 13-cü turun oyunları davam edir.

Pressing.az xəbər verir ki, ikinci oyun günündə iki qarşılaşma baş tutub. Əvvəlcə "Qəbələ" "Zirə"ni qəbul edib və 1:0 hesabı ilə qalib gəlib.

"Neftçi" isə səfərdə "Sumqayıt"la qarşılaşıb. Oyun 2:2 hesablı heç-heçə ilə yekunlaşıb.

Bu Görüş 19:00-da başlamalı idi. Lakin "Neftçi"nin tıxaca görə stadiona gecikməsi səbəbindən matç 19:30-da start götürüb.

Qeyd edək ki, tura sabah keçiriləcək 2 görüşlə yekun vurulacaq.

5 noyabr

Misli Premyer Liqası, 13-cü tur

15:00. "Qəbələ” – “Zirə” 1:0

Qol: Ülvi İsgəndərov, 90+3.

Hakimlər: Rauf Cabarov, Namiq Hüseynov, Eyyub İbrahimov, Nicat İsmayıllı
Hakim-inspektor: Ramil Diniyev
Qəbələ şəhər stadionu.

19:00. “Sumqayıt” – “Neftçi” 2:2

Qol: Riçard Qadze, 42, Qodsvey Donyo, 47, Murad Xaçayev, 61, Ataa Caber, 87

Hakimlər: Cavid Cəlilov, Rahil Ramazanov, Vüsal Məmmədov, Vüqar Həsənli
Hakim-inspektor: Babək Quliyev
“Kapital Bank Arena”.