"Qəbələ"də "yarpaq tökümü"

"Qəbələ” 5 futbolçusu ilə yollarını ayırıb.

Pressing.az xəbər verir ki, bu barədə klubun mətbuat xidməti məlumat yayıb.

Bölgə təmsilçisinin qapıçısı Müşviq Nadirov, yarımmüdafiəçi Samir Həsənov və hücumçu Ruslan Voronsovla başa çatan müqavilələr uzadılmayıb. Müdafiəçi İbrahim Ramazanov və yarımmüdafiəçi Oçe Oçoveçinin icarə müddəti başa çatıb. Bu futbolçuların dördü 2024-cü ilin yayından, İbrahim 2025-ci ilin əvvəlindən “qırmızı-qaralar”ın formasını geyinirdi.

“Qəbələ” İdman Klubu yollarını ayırdığı futbolçulara təşəkkür edir, gələcək karyeralarında yeni-yeni uğurlar arzulayıb.