"Səbail" klubu daha bir futbolçusu ilə yollarını ayırıb.

Pressing.az xəbər verir ki, bu barədə "dənizçilər"in mətbuat xidməti məlumat yayıb. Paytaxt təmsilçisi müdafiəçisi Adil Nağıyevlə vidalaşıb. 28 yaşlı müdafiəçi ilə imzalanmış müqavilənin müddəti başa çatıb.

“Səbail“ futbolçuya xidmətlərinə görə təşəkkür edib, gələcək karyerasında uğurlar arzulayıb.

Qeyd edək ki, A.Nağıyev 2022-ci ilin dekabr ayından "Səbail"də oynayırdı.

Xatırladaq ki, "Səbail" daha əvvəl kapitanı Ağabala Ramazanovla da yollarını ayırıb.