"Turan Tovuz" klubu Misli Premyer Liqasının 36-cı turunda doğma meydanda "Kəpəz"i 4:0 hesabı ilə məğlub edib.

Pressing.az xəbər verir ki, tovuzluların baş məşqçisi Kurban Berdiyev oyundan sonra keçirilən mətbuat konfransında jurnalistlərin suallarını cavablandırıb:

- Oyundan məmnunam. Mövsümün son matçında azarkeşlərimizi sevindirə bildik. Daha da yaxşı oynaya bilərdik.

- "Kəpəz"dən 2:5 hesablı məğlubiyyətin revanşını aldığınızı demək olar?

- Həmin oyunu komandanın yadına saldıq. Amma oyundan əvvəl belə böyük hesabla qələbə qazanacağımızı düşünmürdük.

- "Turan Tovuz"un avrokuboklara vəsiqə şansı kubokun finalından asılıdır. Həmin oyuna baxacaqsız?

- Bəli, Azərbaycanda olacam, oyuna baxacam.