Azərbaycanın U-21 millisi bu gün Avropa çempionatının seçmə mərhələsində ilk oyununa çıxacaq.

Pressing.az xəbər verir ki, Ayxan Abbasovun komandası Portuqaliyanın qonağı olacaq.

Barseluş şəhərində keçiriləcək çətin səfər matçı Bakı vaxtı ilə saat 22:30-da başlayacaq. Bu görüş millimizin baş məşqçisi Ayxan Abbasovun komanda ilə ilk rəsmi oyunu olacaq.

Azərbaycan millisi B qrupunda Şotlandiya, Bolqarıstan, Portuqaliya, Çexiya və Cəbəllütariqlə mübarizə aparacaq. U-21-in növbəti oyunu Bolqarıstana qarşı olacaq. Görüş sentyabrın 9-da Bakıda keçiriləcək.

5 sentyabr

Avropa çempionatı
Seçmə mərhələ, 1-ci tur

22:30. Portuqaliya U-21 – Azərbaycan U-21

Baş hakim: Konstantinos Fellas (Kipr)

Barceluş."Cidade de Barceluş" stadionu